ბიძინა ივანიშვილის განცხადებით, 2011 წლის
შემოდგომისთვის ქვეყანაში იყო უმძიმესი პოლიტიკური და
ეკონომიკური ვითარება, ოპოზიცია თითქმის
განადგურებული იყო, მედია კი სახელისუფლო პარტიას
ჰქონდა მიტაცებული.
მისივე თქმით, პარტიის ლიდერები საკუთარი დღის
წესრიგით მართავდნენ საინფორმაციო ველს და ადგენდნენ
ახალი ამბების თანმიმდევრობას.
“ისინი ადგენდნენ ახალი ამბების თანმიმდევრობას და
ხშირად პირადად წერდნენ ახალი ამბების ტექსტებსაც კი! ”-
წერს ივანიშვილი.
ბიძინა ივანიშვილის თქმით, ჩართული იყო პროპაგანდის
მანქანა, რომელიც ყველა საშუალებით ცდილობდა ადამიანთა
შეხედულებებზე გავლენის მოხდენას და წლები დასჭირდა
მიტაცებულ არხებზე სამართლიანობის აღდგენას. თუმცა
როგორც ივანიშვილი აღნიშნავს, “სიცრუის მანქანა დღესაც
მუშაობს” რადგან არ გამქრალა არც პოლიტიკური შემკვეთი
სააკაშვილის სახით და არც მისი შემსრულებლები.
როგორც ივანიშვილი აცახდებს, სიცრუის მანქანის
საინფორმაციო ველიდან გაქრობა თანამედროვე სამყაროში
შეუსრულებელი ამოცანაა, მაგრამ ამბობს, რომ სწორი
მართვითა და პროპაგანდაზე უარის თქმით, მათმა
ხელისუფლებამ შეძლო ადამიანებითვის თავისუფალი და
პლურუალისტული გარემოს შექმნა.
დისკუსია სტატიის შესახებ