ჩემთვის, როგორც რიგითი ქართველისათვის, სასიხარულო
და საამაყოა, რომ ჩვენმა ხალხმა, ისტორიულად ძალზე
ხანმოკლე პერიოდში, უნიკალური გამოცდილება და უნარები
შეიძინა, – წერს ბიძინა ივანიშვილი თავის სოციალურ
გვერდზე გამოქვეყნებულ განცხადებაში.
ივანიშვილის თქმით, თავისდა უნებურად და
ასბოლუტურად გაუაზრებლად “ნაციონალურმა მოძრაობამ”
შეასრულა მთავარი როლი საზოგადოების საბოლოოდ
გამოღვიძების საქმეში, რასაც ის მათ “ბარბაროსულ
მმართველობას” უკავშირებს. მისი აზრით, სწორად ამ დროს
დაინახეს ადამიანებმა, რომ ყურადღების მოდუნება არ
შეიძლება და არც უკრიტიკოდ პოპულისტური დაპირებების
დაჯერება.
“თუ ვინმეს ჯინაზე მიიღებ ემოციურ და სულსწრაფ
გადაწყვეტილებას, შესაძლებელია საკუთარი ხელით აირჩიო
ისეთი ხელისუფლება, რომელიც მტერზე გაცილებით
უარესად, სასტიკად და დამამცირებლად მოგექცევა,
დაჟინებით შეეცდება გადაწეროს შენი ისტორია, შეარყიოს
ეროვნული ღირებულებები. ჩემი ღრმა რწმენით, ესაა ჩვენ
მიერ ბრძოლით მოპოვებული სიმდიდრე, რასაც, იმედი მაქვს,
რაც არ უნდა ეცადონ, ვერავინ წაშლის და გააქრობს.”-წერს
ივანიშვილი.
დისკუსია სტატიის შესახებ